بسم الله الرحمن الرحيم

يوم قفت


يوم قفـّـت وصاح صغيرها عاودت له
عنز ريمٍ تدرج فالمسايل ولدها

إن مشي بارته وإن كان وقف وقفت له
وإن تعثر عن الطيحه تعلق بيدها

كل ماشافته وقف وصد .. رمعت له
وأنحنت وهمست له لين يمشي بعدها

كبر حظ الصغير اليا وقف ورجعت له
إن ضحك حبته وإن جاع يرضع نهدها

. ضاحكٍ له زمانه والليالي صفت له
مابعد شاف يومٍ في حياته نكدها

وأسعد الخلق ابوه اللي ملكها وجت له
غير شوفه بعينه مستحلٍ جسدها

شفتها غافله في موقفٍ مارمت له
لو يشوف القمر ما شفت منها حسدها

شعــــر : عبدالله بن محمد السياري
-ضرما