ضقنا وضاق الحي من ضيقة الميت
(وشابـت لحانـا مالحقنـا هوانـا)
شطرٍ قديم وذقت ماذقـت واحييـت
ذكره وذكر اللي من النـاس عانـا
حنا احتملنا فوق حمـل العفاريـت
وعلـى مناكبـنـا نقلـنـا عنـانـا
نبغى نشب النار من غيـر كبريـت
ونبغى نطوّر فـوق مـن مستوانـا
ونبغى نحج ولانعـرف المواقيـت
ونبغـى ونبغـى والعلـوم تحدانـا
خضنا البحور الهوج من غير توقيت
هـدت عواصفهـا وجانـا بـلانـا
استدرجتنا امواجها شبـه تسكيـت
لين اختبص بصيرنـا مـع عمانـا
وانا مثل غيري من النـاس عانيـت
نجهـل وتفكيـك الرمـوز يخفانـا
ولولا الظروف القاسيه ماتشكويـت
غنيّـت للاّهـيـن دانــا لـدانـا
لكن عشت الواقع المـر وازريـت
وبعض الهقاوي مثل بيض السمانـا
فالقلب دولاجـه وفالذهـن تشتيـت
وعجزٍ عن الماجوب يبحث خفانـا
ماعاد وسط جيوبنـا الاّ حتاحيـت
نمشـي مـع العالـم بهيبـة لحانـا
طالت وطوّلنا الامل في رجا ليـت
وحنّا ماحـد يقـدر يشـك بولانـا
ان ماسمعنا فزعـةٍ جالهـا صيـت
تحييبنـا نبـض الامـل وتغـذانـا
ولاّتغديـنـا فـتـات البساكـيـت
ومنه احتسينا اللـي يكفّـي عشانـا
وقمنا نجر من الضمايـر تناهيـت
وعنـا يقـول اليـا تنهـت حدانـا
والله لنبطي ما امتلكنـا لنـا بيـت
مادام قسط الراجحـي فـي قفانـا


صراحه : صاحب القصيده مأعرفه

أكتب منقول وتحتها خط

مشكور اخوي مبارك سللللللللللللللللللللللللللمت يمناك

صح لسانك ولسان قايلها

الله يعطيك العافية اخي

ومشكور على القصيدة

اخوي الغالي مساند المسعود الله يعطيك العافية على القصيدة الرائعه.

لك تحياتي وتقديري

سرحانـــ الخيطان ــــــ

صح لسانك ولسان الشاعر قصيده تحكي معانات الكثير الله يسدد عنهم ويعينهم



شكرا على هذا الاختيار الطيب اخي مساند

مشكورين كلا من الوكاد وسرحان ودواس يعطيكم العافية على ردودكم الفعالة تحياتي لكم

صح لسانك ولسان قايلها. قصيدة جزلة ومعبرة .

مشكور وما قصرت.

مشكور ابوبرنو تحياتي لك

الله يعين كل مسلم على قضاء دينه

مشكور على القصيدة الطيبة