فـي بيـوت ٍ بالمعانـي محكـمـات .. ابـتـدي بـأسـم الله الـفـرد الرقـيـب
العظيـم اللّـي خلـق هالكايـنـات .. مـجـري الأفــلاك فالـكـون الرحـيـب
واحــد ٍ مـالـه ولــد ولا بـنـات .. جــل عــن كـذبـات عـبّــاد الصـلّـيـب
لـه صفـات ٍ تعتلـي كـل الصـفـات .. يبـصـر الــذرّه و يسـمـع للدبـيـب
الجهر عنـده شبيـه الخافيـات .. مـا وجـد شـيء ٍ عـن اسماعـه يغيـب
مـا حصـى فضلـه كتاتيـب ورواة .. فــارج الكـربـه وللـدعـوه مجـيـب
وبعد ذكره يا هجوسي في ثبات .. هات من فيـض المعانـي مـا يطيـب
بأمتطي قب المهـار المسرجـات .. واحتمـي قافـي وانـا سقـم الحريـب
واتخيّـر فالجـزال الـشـاردات .. شــيء مــا جـابـه خطـيـب ولا اديــب
يرضـي الاذواق دون مجامـلات .. يخطـف الاضـواء والمعـنـى رهـيـب
نادر ٍ صـاغ البيـوت النـادرات .. فـي زمـن ينـدر بـه الـراي المصيـب
وبعدها عندي نصيحـه وامنيـات .. العـوج مـن قصدهـا مـا لـه نصيـب
]وسعد عين اللي سمع شور ووصاة .. وبالاشاره يفهم الشّخص اللبيب
]الحسانـي مـا هـي مثـل السيّئـات .. والبشـر مـا بيـن ذم وبيـن طـيـب
]والرجال اصناف في هذي الحياة .. رجل تفخر بـه ورجـل ٍ لـك يعيـب
لا تصاحـب فـي حياتـك للممـاة .... كـود مـن يعجبـك فالـيـوم الصعـيـب
يحفـظ اسـرارك محافـظ للصـلاة .... يدمـح الزلـه عريـب ٍ مــن عـريـب
ومثـل مـا قـدّم تقـدّم بالسـواة .... كـان تبغـي لـك مَــعَ العـالـم صحـيـب
ان فرح تفرح لو أنْ عندك وفاة .... وان حزن تحـزن ولا فالامـر عيـب
وقرّب اصحابه وجنّب للعداة .... واغفر اخطـاءه لـو أن جرحـك عطيـب
واحـذر أنّـك تتركـه فالنايبـات .... كـون لـه فـي ضيقتـه اقــرب قـريـب
ولا تصـدّق فيـه كذبـات الوشـاة .... ولا يصيبـك فـي صحيبـك أي ريـب
الصداقـه والثقـه متلازمـات .... وفـي غـيـاب احداهـمـا تصـبـح غـريـب
واعـدى اعـداء الصديـق الشائعـات .... مثـل داء ٍ مـا وجـد طبّـه طبيـب
والشدايـد للرجـل مـثـل الهـبـاة .... يستبـيـن الـرجـل والخـايـب يخـيـب
والمراجـل كايـده كالنايفـات .... ومـا يـحـوش المرجـلـه كــود النجـيـب
وقـت فيـه امـن المحـن والمشكـلات .... الولـد مـن سبّتـه راسـه يشيـب
وقت فيه امـن الامـور المغريـات .... الحظيـظ اللّـي لـه المولـى حسيـب
تمّـت ابياتـي وتمّيـت الوصـاة .... وبالاشـاره يفـهـم الشّـخـص اللبـيـب
منقول
.gif)
.gif)
16-11-2008, 01:37 AM
حكمة القصيد 
العرض العادي
