الهم دله والحــــــــــنايا فناجــــيل=والصدر مجلس والهواجيس ضيفان
والقلب لو يشعل من الشوق قنديل=يبقى خفوقي للزمن مسرح احزااااان
مابين ميل العدل ومعادل الميل=تعذر المكيال عن كل ميــــــزان
والعذر ياقابيل في قتل هابيـــــل=ان الطمع ابشع تواصيف الانساان
وابليس لويلبس من الوررررررد اكليل=شيطان ابن تسعه وتسعين شيطاااااان
لكن ياقلـــــــبي ليا جرهد اللــــيل=من جمرنا نوقد دجى الليل نيررران
نسمر على صافي علوم التعاليل =مابين مابيصير والا خبر كااااااااااان
وان ضاق صدرك هاك عذب الفناجيل=من دلة القيفان والكـــــــيف طربان
اشرب زلال القاف والبن والهيل=حتى تروّق للسهر ياكــــحيلان
واسمع صليل الريح ومصاهل الخيل=يوم امتطي هاجوس فكري للالحان
الالف ميل تصير عندي ربــــــع ميل=واجزل عبارات الشعر طوع الارسان
ماقول انا سيلن تدفق بأثر سيل=وماقول انا في عالم الشعر بركان
وماقول باني فلتة الوقت والجيل=وماقول باني للشعر صرت عنوان
لكن حقيقه ماتبي زود تطــــويل=قافي يتّعب جملة الانس والجان
للشعر انا مثل الفراتيـــــــــــن والنيل =ارويه لاجاني من الغير عطشاااااااان
وازبنه لاجا من الضد شلشيل =يزبن ويبشر بالسعاده والامان
مزبان ماهو هرجة القال والقيل=قولن على فعلن على خير برهان
والويل كل الويل والويل والويل=للي ضلمني دون حقن ووكدان
انا سليلة مجد بنــــــــت الرجـــاجيل=اللي لهم في قمة المجد نيشااااااان
احكم على اشكاله بحكم المغاليل =واعلقه فالمشنقه قدم الاعيـــــان
سواة ماقد صار فالعام بالحيــــــــل=يوم اشنقو صدام واخوه برززززززان
وفي ذالسنه بالذات في مطلع ابريل=اعطيك اول كرت انـــــــــــذار يافلان
العب معا غيري وخل التـــهاويل=للي سواتك ماكسب كون حقران
ماتقدر النمله تصارع مــــــــــعا الفيل =ومايقدر الجربوع للذيب سرحااااااااان
هذه الحقيقه صغتها بالتماثيل=تحذير والـــــــتحذير الان الان
النفس طابت من كلام المهابـــيل =تعيش ياشوق الحشاا طير حوران
الشاعره الملقبه
باالنفس طابت
.gif)
.gif)
الهم دله والحــــــــــنايا فناجــــيل 
العرض العادي
