بسم الله الرحمن الرحيم

السلام عليكم ورحمة الله وبركاته

ودي اسألكم ياشباب وياليت تجاوبوني وانا عارف ان الاجابه صعبه ومحرجه على القناصين ولكن اتمنى الاجابه الله لايهينكم

ودي اعرف وين افضل تواجد للوعول بالجنوب,,,, ارجو من جميع الاخوان الاجابه بقدر المعرفه وعلى راسهم لاخ فهيد والريفي والمحترف وبقية الاخوان الله لايهينم وسامحوني

اخوكم/ جرووح الوقت

اخوي جرووح الوقت
موضوعك لا يخص قسم اسلحة الصيد وسأنقلة لقسم الصيد الداخلي
و سؤالك من الصعب ان تجد من يجيبك علية
وكل شي ولا تقول لهاوي الصيد فين صدت هذا او اين اجد هذا
والشي الثاني وعلى حسب علمي ان الوعول غير موجودة في المنطقة الجنوبية

السلام عليكم ورحمة الله وبركاته

والله اخوي اا اوافق اخوي فهيد المنطقة الجنوبيه لم نسمع عن وعول وان كان فيها فمكانها اعتقد صعب ولا بعد اكتشفت ولو عرفها احد صعبه يعلمك وان رحت لها ما خلوك اهلها حسروك ويوذونك بالرمي لا قدر الله ...... يعني اهلها حامينها
وعلى قولت الشاعر عبدالله الرزيزا :

براً بلا صيد علينا بلاوي *** والليا حصل صيد فلانيب مطريه

على العموم اللى سمعنا انه في وعول في العلا وتبوك وما جورها ... يعني على امتداد سلاسلة جبال السروات من النصف وكلما اتجهت شمالاً

بما إن السؤال أمانه00000
فخذ هذهي الأماكن عن تجربة مني شخصيآ000
أولا من تتعدى بيشة وتقبل على صمخ يعني بنص المسافه يجيك ممهده على يمينك يعني تروح غرب لجبل إسمه ترج لبني كشير وبني شهر فيها لاكنها عسره يعني أللي ماهو متعود على ذب الضلع نصيحه لوجه الله لاتفكر فيها لأنها تعتبر مهالك وفي عقبة شعار وكمان ماهي سهله وعندك بني مالك تحت ظهران الجنوب وعندك النماص وديار شمران وهي بكثره فوق ما تتصور لاكن أهلها مايدلوك عليها وبالنسبه لنا حنا نروحلها بدون معرفه ونواجه مشاكل لاتعد ولاتحصى خاصتآ في ترج أعوذب بالله من من أهلها ولاكن كثرة الصيد هي أللي تصبرنا عليها0000
وفي أماكن نسمع القنوص يطرونها لاكن ماجيتها ولاكن أدهلها وهذهي معرفتي بهاك الديار وأعذرني على التقصير0000

يالحبيب وش الي حادك على السعوديه وغثا صيدها ماتصيد الا المشاكل وقلة الصيد رح يالسنايدي لليمن مابينك وبينها شئ والصيد متوفر ولا السودان ولا ممصر

في منتزه الفرعاء في قصر الامير سلطان بس انتبه لاتروح لان بينك وبينها شبك

الف الف شكر يابن ثعلي وماقصرت يالذيب وانا سامع وعارف انها موجوده ولكن بشكل محدود بس كان ودي شخص متمرس مثلك يجاوبني ولو ان الاخوان فهيد وبقية الشباب استعجلو الحكم على الموضوع ونفو ان تكون موجوده بالجنوب

على العموم الله يعين وانت ذكرت المواقع ذي بتشوف اعضاء الله القناصه كلهم على الطبيعه هناك هههههه:d

وانشاء الله يكون بيننا تواصل يابن ثعلي الله لايهينك

اخوك / جرووح الوقت